സുഹൃത്ത് എന്ന പട്ടികയില് പലരും പെടും. ഓമനിച്ചു വളര്ത്തുന്ന മൃഗങ്ങള് മുതല് അച്ഛനമ്മമാര് വരെ ചിലപ്പോള് സൌഹൃദത്തിന്റെ പരിധിയില് വരും. മക്കളോടൊപ്പം ഒരുമിച്ചിരുന്ന് വെള്ളമടിക്കുന്ന മാതാപിതാക്കള് വരെയുണ്ടല്ലോ നമ്മുടെ നാട്ടില്!.
കാമുകിയോ കാമുകനോ അയല്ക്കാരനോ അയല്ക്കാരിയോ സഹപാഠിയോ സഹവാസിയോ സഹപ്രവര്ത്തകനോ സഹപ്രവര്ത്തകയോ ഒക്കെ സുഹൃത്തുക്കളാവാം.
ഇവരില് ആണും പെണ്ണും തമ്മിലുള്ള സൌഹൃദമാണെങ്കില് ഇന്ത്യന് സാഹചര്യങ്ങളില് ഒരല്പ്പം മുന്കരുതല് എടുക്കുന്നത് എപ്പോഴും നല്ലതാണ്. വിവാഹിതരാണെങ്കില് സുഹൃത്തിന്റെ ഭാര്യയേയോ ഭര്ത്താവിനെയോ കൂടി ഈ സൌഹൃദം പങ്കുവയ്ക്കലിന്റെ ഭാഗമാക്കുന്നത് കൊള്ളാം.
സൌഹൃദ ദിനം ആചരിക്കാനായി ചില നിര്ദ്ദേശങ്ങള് :
* സവിശേഷതയാര്ന്ന സുഹൃത്ത് എന്ന നിലയില് ഒരാളുടെ സൌഹൃദം എത്രമാത്രം വില മതിക്കുന്നതാണെന്ന് കാണിച്ച് സുഹൃത്തിന് നല്ലൊരു കാര്ഡ് അയയ്ക്കാം. * സുഹൃത്തിനായി നല്ലൊരു സമ്മാനം വാങ്ങുകയോ ഉണ്ടാക്കുകയോ ചെയ്യുക - പൂക്കള്, മധുര പലഹാരങ്ങള്, പുസ്തകങ്ങള്, പേന, വസ്ത്രങ്ങള് അങ്ങനെയെന്തുമാവാം. * പരസ്പരം കണ്ടുമുട്ടി കൈകൊടുക്കുകയോ ആലിംഗനം ചെയ്യുകയോ ചെയ്യാം.
PTI
SASI
* ഒന്നും ചെയ്യാനായില്ലെങ്കില് ഈ ദിവസം ഓര്ത്തുവച്ച് സുഹൃത്തിനെ ഫോണില് വിളിച്ച് കുശലങ്ങള് ചോദിക്കുക. *നീണ്ടനാള് പരിചയമുള്ള സുഹൃത്താണെങ്കില് അയാള്ക്ക് അല്ലെങ്കില് അവള്ക്ക് ഇഷ്ടപ്പെട്ട പാട്ടുകളോ പാട്ട് സീനുകളോ ഉള്ള കസറ്റുകളോ സി.ഡികളോ കൊടുക്കുക. രണ്ടു പേരും ഇഷ്ടപ്പെടുന്നവ ആയാലും മതി. * വിദൂരത്തുള്ള സുഹൃത്തുക്കള്ക്ക് നേരത്തെ തന്നെ ഇ-മെയിലോ ഇ-ഗ്രീറ്റിംഗ്സോ അല്ലെങ്കില് നിങ്ങള് പ്രത്യേകം തയാറാക്കിയ വെബ് പേജുകളോ അയയ്ക്കുക. * ഇതില് നിങ്ങളുടെയും കുടുംബത്തിന്റെയും ഫോട്ടോകളും പഴയ ഓര്മ്മകള് ഉണര്ത്തുന്ന ഫോട്ടോകളും ഉള്പ്പെടുത്തുന്നത് നന്നായിരിക്കും. * ക്ലാസ് മേറ്റ്സ് പോലുള്ള സുഹൃത്തുക്കളാണെങ്കില് ഒരു വിനോദയാത്ര നേരത്തെ ആസൂത്രണം ചെയ്യാവുന്നതാണ്. * സമയക്കുറവുണ്ടെങ്കില് നല്ലൊരു ഹോട്ടലിലോ സ്ഥല സൌകര്യമുള്ള ഏതെങ്കിലും പ്രദേശത്തോ ഉച്ച ഭക്ഷണമോ ചായയോ കഴിക്കുകയാവാം. * നല്ല അടുപ്പമുണ്ടെങ്കില് ഒരുമിച്ചൊരു നാടകത്തിനോ നൃത്ത പരിപാടിക്കോ ഇരുവര്ക്കും പോകാം. * പണം കുറവാണെങ്കില് ഇതൊരു സിനിമയില് ഒതുക്കുകയും ആവാം. * ആണ് സുഹൃത്തുക്കള്ക്ക് എപ്പോഴും ചെയ്യാവുന്നൊരു കാര്യം ഒരുമിച്ചിരുന്ന് വെള്ളമടിക്കുകയാണ്. മദ്യപാനത്തിലൂടെയുള്ള സൌഹൃദം ഒരിക്കലും പിരിയാനാവാത്തതാണെന്ന് കാലം തെളിയിച്ചിട്ടുണ്ട്. * സുഹൃത്തുക്കള്ക്ക് വേണ്ടി ചില സൂത്രവിദ്യകള് ചെയ്യാം. ടി.വി.യിലേക്കോ റേഡിയോയിലേക്കോ വിളിച്ച് അല്ലെങ്കില് കത്തയയ്ച്ച് സുഹൃത്തിന്് ഇഷ്ടമുള്ള ഒരു ഗാനം “ഡെഡിക്കേറ്റ്” ചെയ്യാം. * സുഹൃത്തിനും കുടുംബത്തിനും പോകാനായി സിനിമാ / നാടക ടിക്കറ്റുകള് അയച്ചുകൊടുക്കുകയും ആവാം. * പിന്നെ, സമ്മാനങ്ങള് നല്കാം - ഈ ദിനത്തില് കിട്ടത്തക്ക വിധം കൊറിയര് വഴി പൂക്കളും കേക്കുകളും വാച്ചും ക്യാമറയുമൊക്കെ അയച്ചുകൊടുക്കാം.