2005ല്‍ പാകിസ്ഥാനെതിരായ സൗഹൃദ മത്സരത്തിലായിരുന്നു ഛേത്രിയുടെ അരങ്ങേറ്റം. ആ കളിയില്‍ തന്നെ ഗോളും നേടി. 150 അന്താരാഷ്ട്ര മത്സരങ്ങളില്‍ നിന്നും 94 ഗോളുകള്‍ ഛേത്രി നേടിയിട്ടുണ്ട്. അന്താരാഷ്ട്ര ഫുട്‌ബോളില്‍ സജീവമായി കളിക്കുന്നവരില്‍ ഗോള്‍നേട്ടത്തില്‍ മൂന്നാം സ്ഥാനത്താണ് താരം. 2012 എഎഫ്‌സി ചലഞ്ച് കപ്പിലാണ് ഛേത്രി ആദ്യമായി നായകനാകുന്നത്. നെഹ്‌റു കപ്പിലടക്കം രാജ്യത്തെ കിരീടത്തിലേക്ക് നയിക്കാന്‍ ഛേത്രിക്കായിട്ടുണ്ട്. ഇന്ത്യന്‍ സൂപ്പര്‍ ലീഗിലും ഐ ലീഗിലും ബെംഗളുരു എഫ് സിയെ കിരീടനേട്ടത്തിലെത്തിക്കാനും ഛേത്രിക്ക് സാധിച്ചിട്ടുണ്ട്. ഇന്ത്യയ്ക്കകത്തും പുറത്തുമായി 9 ക്ലബുകളില്‍ കളിച്ചിട്ടുണ്ട്.
