2005 ജൂണ്‍ 12-ന് പാക്കിസ്ഥാനെതിരായ സൗഹൃദ മത്സരത്തിലായിരുന്നു ഛേത്രിയുടെ അരങ്ങേറ്റം. ആ കളിയില്‍തന്നെ ഗോളും നേടി. ക്വറ്റയിലെ അയൂബ് സ്റ്റേഡിയത്തില്‍ നടന്ന കളിയില്‍ 65-ാം മിനിറ്റിലാണ് ഛേത്രി കന്നിഗോള്‍ നേടിയത്. മത്സരം സമനിലയില്‍ കലാശിച്ചു. അന്താരാഷ്ട്ര ഫുട്ബോളില് സജീവമായി കളിക്കുന്നവരില്‍ ഗോള്‍നേട്ടത്തില്‍ മൂന്നാമതാണ് താരം.
' രാജ്യത്തിനായി നിരവധി മത്സരങ്ങള്‍ കളിച്ചു. നല്ലതും മോശവുമായി അനുഭവങ്ങള്‍ ഉണ്ട്. അതിനാല്‍ കളി നിര്‍ത്താനുള്ള തീരുമാനത്തിലേക്ക് ഞാനെത്തി. അടുത്ത മത്സരത്തോടെ അന്താരാഷ്ട്ര ഫുട്ബോളില് നിന്ന് വിരമിക്കുന്നു,' എക്‌സ് പ്ലാറ്റ്‌ഫോമില്‍ പങ്കുവെച്ച വീഡിയോയില്‍ ഛേത്രി പറയുന്നു. വിരമിക്കല്‍ ഏറെ ആലോചിച്ചെടുത്ത തീരുമാനമാണെന്നും വീട്ടുകാരുമായി ഇതേ കുറിച്ച് സംസാരിച്ചെന്നും ഛേത്രി കൂട്ടിച്ചേര്‍ത്തു.
