മോഡലുകള്‍ക്കൊപ്പമുള്ള ചിത്രങ്ങള്‍ പ്രചരിച്ചതിനു പിന്നാലെ വിവാദത്തിലായി ഇംഗ്ലണ്ട് മുന്‍ ഫുട്‌ബോള്‍ താരം വെയ്ന്‍ റൂണി. അര്‍ധ നഗ്നയായ മൂന്ന് സ്ത്രീകള്‍ക്കൊപ്പമുള്ള റൂണിയുടെ ചിത്രമാണ് കഴിഞ്ഞ ദിവസം സോഷ്യല്‍ മീഡിയയില്‍ വ്യാപകമായി പ്രചരിച്ചത്. താന്‍ അറിയാതെയാണ് ഈ ചിത്രങ്ങള്‍ പ്രചരിച്ചതെന്ന് റൂണി പറഞ്ഞു. ബ്ലാക്ക്‌മെയ്‌ലിങ്ങിനെതിരെ റൂണി പൊലീസില്‍ പരാതി നല്‍കിയിട്ടുണ്ട്.
ഡെര്‍ബി കൗണ്ടി പരിശീലകനാണ് നിലവില്‍ റൂണി. ഡെര്‍ബി ക്ലബും സാല്‍ഫോര്‍ഡും തമ്മിലുള്ള സൗഹൃദമത്സരത്തിനു പിന്നാലെയാണ് റൂണിയുടെ ചിത്രങ്ങള്‍ പ്രചരിച്ചത്. നൈറ്റ് പാര്‍ട്ടിക്കിടെ എടുത്ത ചിത്രങ്ങളാണ് ഇവ.