പോർച്ചുഗലിനെതിരെ 32 വർഷമായുള്ള വിജയത്തിനുള്ള കാത്തിരിപ്പിന് വിരാമമിടാനാണ് ഇന്ന് ബെൽജിയം കളത്തിലിറങ്ങുന്നത്. അതേസമയം ഒരു ഗോൾ കൂടി നേടാനായാ‌ൽ അന്താരാഷ്ട്ര ഗോൾ വേട്ടക്കാരിൽ മുന്നിലെത്താൻ പോർച്ചുഗലിന്റെ സൂപ്പർ താരം റൊണാൾഡോയ്ക്ക് സാധിക്കും. 2020ലെ വേഫ നേഷൻസ് കപ്പ് മത്സരത്തിൽ ഇംഗണ്ടിനോട് തോറ്റതിൽ പിന്നെ ബെൽജിയം പരാജയം എന്തെന്ന് അറിഞ്ഞിട്ടില്ല. അതേസമയം മരണഗ്രൂപ്പിൽ അവസാനനിമിഷം വരെ പോരാടിയാണ് പോർച്ചുഗൽ ക്വാർട്ടർ യോഗ്യത നേടിയിരിക്കുന്നത്. അവസാനം നടന്ന അഞ്ച് മത്സരങ്ങളിൽ രണ്ടിൽ മാത്രമാണ് പോർച്ചുഗലിന് വിജയിക്കാനായത്.
