ചിലെയ്ക്ക് എതിരായ മത്സരം 1-1 എന്ന നിലയില്‍ സമനിലയായപ്പോള്‍ ഉറുഗ്വായ്, പരഗ്വായ് ടീമുകള്‍ക്കെതിരായ മത്സരം 1-0 ത്തിന് അര്‍ജന്റീന ജയിച്ചു. മൂന്ന് കളികളിലും ആദ്യ പകുതിയിലാണ് അര്‍ജന്റീനയുടെ ഗോള്‍ പിറന്നത്. ഒരു ഗോള്‍ സ്‌കോര്‍ ചെയ്ത ശേഷം എതിര്‍ ടീമിനെകൊണ്ട് ഗോള്‍ അടിപ്പിക്കാതിരിക്കുകയെന്ന രീതിയാണ് അര്‍ജന്റീനയുടേത്. എന്നാല്‍, കരുത്തരായ ടീമുകള്‍ക്കെതിരെ ഈ രീതി തുടര്‍ന്നാല്‍ തിരിച്ചടി നേരിടേണ്ടിവരുമെന്നാണ് ആരാധകര്‍ പറയുന്നത്. പ്രതിരോധത്തില്‍ മികവ് പുലര്‍ത്തുമ്പോഴും അറ്റാക്കിങ് പ്രവണത അര്‍ജന്റീനയ്ക്ക് കുറവാണ്. എതിര്‍ ടീമിന്റെ പോസ്റ്റിലേക്ക് ഇരച്ചെത്തുമെങ്കിലും പന്ത് ഗോള്‍വലയിലെത്തിക്കാന്‍ അര്‍ജന്റീനയുടെ മുന്നേറ്റനിരയ്ക്ക് സാധിക്കുന്നില്ല.
