ചാംപ്യന്‍സ് ലീഗിലെ പ്രീ ക്വാര്‍ട്ടര്‍ ആദ്യ പാദത്തില്‍ ലയണല്‍ മെസിയുടെ പി.എസ്.ജിയെ എതിരില്ലാത്ത ഒരു ഗോളിന് തോല്‍പ്പിച്ച് ബയേണ്‍ മ്യൂണിക്ക്. കിങ്സ്ലി കോമാന്‍ 53-ാം മിനിറ്റില്‍ നേടിയ ഗോള്‍ ആണ് ബയേണിനെ വിജയത്തിലെത്തിച്ചത്. ലയണല്‍ മെസി കളിച്ചിട്ടും ഒരു ഗോള്‍ തിരിച്ചടിക്കാന്‍ പി.എസ്.ജിക്ക് സാധിക്കാതെ പോയതില്‍ ആരാധകര്‍ നിരാശരാണ്.
മാര്‍ച്ച് എട്ടിനാണ് രണ്ടാം പാദ പ്രീ ക്വാര്‍ട്ടര്‍ മത്സരം. ആദ്യ പാദത്തിലെ തോല്‍വിക്ക് കൂടി പകരം വീട്ടി രണ്ടാം പാദത്തില്‍ ജയിക്കുക എന്നത് പി.എസ്.ജിക്ക് കടുപ്പമേറിയ കാര്യമാണ്. ലീഗില്‍ പി.എസ്.ജിയുടെ തുടര്‍ച്ചയായ മൂന്നാം തോല്‍വി കൂടിയാണിത്.