മമ്മൂട്ടിയുടെ പുതിയ കഥാപാത്രം ഒരു കോളജ് പ്രൊഫസറാണ്. ചൂടനായ ഒരു പ്രൊഫസര്‍. ആരോടും പൊട്ടിത്തെറിക്കും. പറയാനുള്ളത് മുഖത്തുനോക്കി പറയും. നല്ല തല്ലുകൊടുക്കേണ്ട സാഹചര്യങ്ങളില്‍ അങ്ങനെ ചെയ്യുക തന്നെ ചെയ്യും.
ഈ തകര്‍പ്പന്‍ കഥാപാത്രം അജയ് വാസുദേവ് സംവിധാനം ചെയ്യുന്ന പുതിയ കാമ്പസ് ത്രില്ലറിലാണ്. ഉദയ്കൃഷ്ണയാണ് തിരക്കഥ രചിക്കുന്നത്. പുലിമുരുകന് ശേഷം മറ്റൊരു മാസ് എന്‍റര്‍ടെയ്നറുമായി ഉദയ്കൃഷ്ണ എത്തുമ്പോള്‍ ഇത് മമ്മൂട്ടിയുടെ 100 കോടി ക്ലബ് പ്രതീക്ഷ കൂടിയാണ്.
ഉണ്ണി മുകുന്ദന്‍ ഈ ചിത്രത്തില്‍ സുപ്രധാനമായ ഒരു കഥാപാത്രത്തെ അവതരിപ്പിക്കുന്നുണ്ട്. കോളജിലെ വൈസ് പ്രിന്‍സിപ്പലായി മുകേഷും അഭിനയിക്കുന്നു.
1995ല്‍ റിലീസായ മഴയെത്തും മുന്‍‌പേയില്‍ മമ്മൂട്ടി കോളജ് പ്രൊഫസറായിരുന്നു.