ബിഗ്ബി മലയാളത്തിലെ കള്‍ട്ട് ക്ലാസിക്കാണ്. ആ സിനിമയ്ക്ക് ഒരു രണ്ടാം ഭാഗം വരുന്നു എന്നത് വലിയ ആവേശത്തോടെയാണ് പ്രേക്ഷകരും ‘ബിലാല്‍’ എന്ന കഥാപാത്രത്തിന്‍റെ ആരാധകരും കേട്ടത്. ‘ബിലാല്‍’ എന്നുതന്നെ ചിത്രത്തിന് പേരിട്ടതോടെ ആ ആവേശം കൂടുതല്‍ ത്രില്ലിലേക്ക് വഴിമാറി. അമല്‍ നീരദ് സംവിധാനം ചെയ്യുന്ന ബിലാല്‍ ഉടന്‍ സംഭവിക്കാന്‍ പോകുന്നു.
ഗോപി സുന്ദറാണ് ഈ സിനിമയ്ക്ക് സംഗീതവും പശ്ചാത്തല സംഗീതവും നിര്‍വഹിക്കുന്നത്. ബിഗ്ബിയിലെ തകര്‍പ്പന്‍ ബാക്ക്ഗ്രൌണ്ട് സ്കോര്‍ ഓര്‍മ്മയുള്ളവര്‍ ബിലാലിലേക്കുള്ള ഗോപി സുന്ദറിന്‍റെ വരവിനെ കയ്യടികളോടെ സ്വാഗതം ചെയ്യുമെന്നുറപ്പ്. മമ്മൂട്ടിയെ ബിഗ്ബിയില്‍ കണ്ടതിനേക്കാള്‍ സ്റ്റൈലിഷായാണ് പുതിയ സിനിമയില്‍ അവതരിപ്പിക്കുന്നത്.
