മോഹൻലാൽ - ശ്രീകുമാർ മേനോൻ കൂട്ടുകെട്ടിൽ പിറന്ന ഒടിയന്റെ പാഠമുൾക്കൊണ്ടിരിക്കുകയാണ് മലയാള സിനിമ ഇപ്പോൾ. അമിത പ്രതിക്ഷകൾ നൽകിയാൽ പ്രേക്ഷകരുടെ ഇഷ്ടത്തിനും പ്രതീക്ഷയ്ക്കും ഒത്ത് ഉയരാൻ ചിത്രത്തിന് കഴിഞ്ഞില്ലെങ്കിലോ എന്ന ഭയം ഇപ്പോൾ സിനിമാപ്രവർത്തകർക്കുണ്ട്. അതിനാൽ തന്നെ മാമാങ്കം വലിയ സംഭവമാണെന്നൊന്നും ആരും വാദിക്കുന്നില്ല.
മാമാങ്കത്തില്‍ നിന്നും സംവിധായകനെ മാറ്റുകയാണെന്ന തരത്തിലുള്ള റിപ്പോര്‍ട്ടുകളും ഇടയ്ക്ക് പ്രചരിച്ചിരുന്നു. വര്‍ഷങ്ങളോളം ഗവേഷണം നടത്തിയതിന് ശേഷമാണ് സംവിധായകന്‍ സിനിമയ്ക്ക് തിരക്കഥയൊരുക്കിയത്. ആദ്യ ഘട്ട ചിത്രീകരണം വിജയകരമായി പൂര്‍ത്തിയാക്കിയതിന് പിന്നാലെയാണ് സംവിധായകനെ മാറ്റിയേക്കുമെന്നും പകരം മറ്റൊരാളെത്തുമെന്നുമുള്ള റിപ്പോര്‍ട്ടുകള്‍ പുറത്തുവന്നത്.
