ലാല്‍ ജോസ് - മോഹന്‍ലാല്‍ ചിത്രം എന്ന് തുടങ്ങും? അക്കാര്യത്തില്‍ കൃത്യമായ ഒരുത്തരം നല്‍കാന്‍ ആര്‍ക്കും കഴിയുന്നില്ല. കാരണം മോഹന്ലാലിന്റെ തിരക്കുതന്നെ. വിസ്മയം, ജനതാ ഗാരേജ് എന്നീ അന്യഭാഷാ ചിത്രങ്ങള്‍ മെഗാഹിറ്റായതിന് പിന്നാലെ ‘ഒപ്പം’ എന്ന ബ്ലോക്ബസ്റ്റര്‍ കൂടി സംഭവിച്ചതോടെ മോഹന്ലാലിന്റെ ഡേറ്റിനായി നിര്‍മ്മാതാക്കള്‍ പരക്കം പായുകയാണ്.
ഒട്ടേറെ വമ്പന്‍ സംവിധായകര്‍ മോഹന്ലാലിന്റെ ഡേറ്റിനായി ക്യൂവിലാണ്. അതിനിടയില്‍ ലാല്‍ ജോസ് ചിത്രത്തിന് എപ്പോള്‍ സമയം കണ്ടെത്തുമെന്ന ആശങ്ക നിലനില്‍ക്കുന്നുണ്ട്. ബെന്നി പി നായരമ്പലത്തിന്‍റെ തിരക്കഥയിലാണ് ലാല്‍ ജോസ് മോഹന്‍ലാല്‍ ചിത്രം പ്ലാന്‍ ചെയ്തത്. ഒരു ഫാമിലി എന്‍റര്‍ടെയ്നറായിരുന്നു ലാല്‍ ജോസ് ഉദ്ദേശിച്ചത്.
