ഒരു സി ബി ഐ ഡയറിക്കുറിപ്പ്, ജാഗ്രത, സേതുരാമയ്യര്‍ സി ബി ഐ, നേരറിയാന്‍ സി ബി ഐ എന്നീ നാലു സിനിമകള്‍. സേതുരാമയ്യര്‍ എന്ന ഇന്‍റലിജന്‍റ് പൊലീസ് ഉദ്യോഗസ്ഥനായി മമ്മൂട്ടി തിളങ്ങിയ സിനിമകള്‍. കെ മധു - എസ് എന്‍ സ്വാമി ടീമിന്‍റെ ഏറ്റവും മികച്ച കുറ്റാന്വേഷണ സിനിമകള്‍. ആ സീരീസിലെ അഞ്ചാം സിനിമ പക്ഷേ ഒരു വലിയ ഗതിമാറ്റത്തിന് തയ്യാറെടുക്കുകയാണ്.
സി ബി ഐ സീരീസിലെ അഞ്ചാം പടത്തിന്‍റെ കഥ വിശദമായി കേട്ട ശേഷം മമ്മൂട്ടി ഈ സിനിമയില്‍ അഭിനയിക്കുന്നില്ലെന്ന് തീരുമാനിച്ചു. മറ്റേതെങ്കിലും ഒരു താരമായിരിക്കും ഈ കഥയിലെ നായകനാകാന്‍ അനുയോജ്യനെന്ന് മമ്മൂട്ടി സ്വാമിയോട് പറഞ്ഞു. അതോടെ ഈ കഥ സുരേഷ്ഗോപിയെ വച്ച് ചെയ്യാനാണ് സ്വാമിയും മധുവും ഇപ്പോള്‍ തീരുമാനിച്ചിരിക്കുന്നത്.
