മമ്മൂട്ടി നായകനാകുന്ന പുതിയ ചിത്രത്തില്‍ ഐശ്വര്യ റായി നായികയാകുന്നു. മുകേഷ് സംവിധാനം ചെയ്യുന്ന ഈ ചിത്രത്തില്‍ ഷാരുഖ് ഖാന്‍ അതിഥി താരമായി അഭിനയിക്കും. സലിം കുമാറാണ് നിര്‍മാതാവ്. ഛായാഗ്രഹണം കോട്ടയം നസീറും സംഗീത സംവിധാനം ബിജുക്കുട്ടനും നിര്‍വഹിക്കുന്നു. ഹരിശ്രീ അശോകനാണ് പ്രൊഡക്ഷന്‍ കണ്‍‌ട്രോളര്‍.
ഇതെന്തൊരു പ്രൊജക്ട് എന്നോര്‍ത്ത് ഞെട്ടേണ്ടതില്ല. സംഗതി സത്യം തന്നെയാണ്. പക്ഷേ ഇത് ഒരു സിനിമയുടെ കഥയാണെന്നു മാത്രം. അതേ, സിനിമയ്ക്കുള്ളിലെ സിനിമയുടെ കഥ പറയുന്ന മറ്റൊരു ചിത്രം കൂടി അണിയറയിലൊരുങ്ങുന്നു. ‘കൊട്ടാരത്തില്‍ ശാന്തന്‍’ എന്നാണ് സിനിമയുടെ പേര്.
PRO
PRO
ജോണി ആന്‍റണിയുടെ സംവിധാന സഹായിയായിരുന്ന സുമിത് സംവിധാനം ചെയ്യുന്ന ചിത്രമാണ് കൊട്ടാരത്തില്‍ ശാന്തന്‍. വിനോദ് ചേര്‍ത്തല തിരക്കഥ രചിക്കുന്ന ഈ സിനിമയുടെ ചിത്രീകരണം ഈ മാസം 30ന് കോട്ടയത്ത് ആരംഭിക്കും. അനില്‍ പനച്ചൂരാനാണ് ഗാനരചന നിര്‍വഹിക്കുന്നത്.
ഉദയനാണ് താരം പോലെ സിനിമാലോകത്തെ രസകരമായ സംഭവങ്ങള്‍ ചേര്‍ത്തിണക്കിയൊരുക്കുന്ന കൊട്ടാരത്തില്‍ ശാന്തന്‍ മറ്റൊരു വന്‍ വിജയമാകുമെന്ന് പ്രതീക്ഷിക്കാം.
