ഫഹദ് ഫാസില്‍ എന്ന നടന്‍റെ ഏറ്റവും പ്രധാന ഐഡന്‍റിറ്റി ആ കഷണ്ടികയറിയ തലയാണെന്ന് ആരും സമ്മതിക്കും. കഷണ്ടിയില്ലാത്ത ഒരു ഫഹദിനെ സങ്കല്‍പ്പിച്ചുനോക്കാമോ? എങ്ങനെയായിരിക്കും അത്? എന്തായാലും തീരെ കഷണ്ടിയില്ലാത്ത ഒരു ഫഹദിനെ ഉടന്‍ കാണാം. 'അയാള്‍ ഞാനല്ല' എന്ന പുതിയ സിനിമയിലാണ് തല നിറയെ മുടിയുമായി ഫഹദ് എത്തുന്നത്.
അക്ഷത് സിംഗ് എന്ന ഏഴുവയസുകാരന്‍ ഒരു സുപ്രധാനമായ കഥാപാത്രത്തെ ഈ സിനിമയില്‍ അവതരിപ്പിക്കുന്നുണ്ട്. രണ്‍‌ജി പണിക്കര്‍, ടി ജി രവി, ചെമ്പന്‍ വിനോദ് ജോന്‍, ജോജു തുടങ്ങിയവരും വേഷമിടുന്ന സിനിമയുടെ ചായാഗ്രഹണം ഷാംദത്ത്. ഗുജറാത്തിലും ബാംഗ്ലൂരിലുമായാണ് 'അയാള്‍ ഞാനല്ല' ചിത്രീകരിക്കുന്നത്.
