മോഹന്‍ലാല്‍ ചിത്രങ്ങള്‍ക്ക് കഥ ആലോചിക്കുമ്പോല്‍ മഞ്ജു വാര്യര്‍ക്ക് കൂടി പെര്‍ഫോം ചെയ്യാന്‍ തക്ക രീതിയിലുള്ള നായികാവേഷം എഴുതിയുണ്ടാക്കാന്‍ തിരക്കഥാകൃത്തുക്കള്‍ ശ്രമിക്കുന്നു എന്നാണ് മല്ലുവുഡിലെ പുതിയ റിപ്പോര്‍ട്ടുകള്‍. മോഹന്‍ലാല്‍ - മഞ്ജു വാര്യര്‍ കോമ്പിനേഷനാണ് മലയാളത്തില്‍ ഇന്നേറ്റവും മൂല്യമുള്ളത് എന്ന് സംവിധായകരും തിരക്കഥാകൃത്തുക്കളും തിരിച്ചറിഞ്ഞിരിക്കുന്നു.
രഞ്ജിത് തിരക്കഥയെഴുതിയ ആറാം തമ്പുരാന്‍, സമ്മര്‍ ഇന്‍ ബേത്‌ലഹേം തുടങ്ങിയ സിനിമകളില്‍ മോഹന്‍ലാല്‍ - മഞ്ജു ടീമിന്‍റെ പ്രകടനം കണ്ട് വിസ്മയിച്ചവരാണ് മലയാളികള്‍. വീണ്ടും അത്തരമൊരു മനോഹരസിനിമ ഈ കൂട്ടുകെട്ടില്‍ പിറക്കുമോ എന്ന് കാത്തിരുന്ന് കാണാം.
