രഞ്ജിത് മലയാളത്തിന് സമ്മാനിച്ച ‘കേരളാ കഫെ’ എന്ന ആന്തോളജി സിനിമയില്‍ ഒരു ലഘുചിത്രം സംവിധാനം ചെയ്തത് ലാല്‍ ജോസ് ആയിരുന്നു. പുറം‌കാഴ്ചകള്‍ എന്ന ആ ചിത്രത്തിന്‍റെ തിരക്കഥ രചിച്ചതും ലാല്‍ ജോസ് തന്നെ. ലാല്‍ ജോസിന്‍റെ ആദ്യ തിരക്കഥയായിരുന്നു അത്. അതിനുമുമ്പ് ‘മീനത്തില്‍ താലികെട്ട്’ എന്ന സിനിമയുടെ കഥ ലാല്‍ ജോസിന്‍റേതായിരുന്നു.
ഇപ്പോഴിതാ, ലാല്‍ ജോസ് ഒരു ദുല്‍ക്കര്‍ സല്‍മാന്‍ ചിത്രത്തിന് തിരക്കഥ രചിക്കുന്നു. ഈ ചിത്രം സംവിധാനം ചെയ്യുന്നത് ക്യാമറാമാനായ ജോമോന്‍ ടി ജോണ്‍ ആണ്. അടുത്ത വര്‍ഷം ചിത്രീകരണം ആരംഭിക്കുമെന്നാണ് റിപ്പോര്‍ട്ടുകള്‍.
ലാല്‍ ജോസ് സംവിധാനം ചെയ്ത അയാളും ഞാനും തമ്മില്‍, വിക്രമാദിത്യന്‍, നീന എന്നീ ചിത്രങ്ങളുടെ ക്യാമറ ജോമോന്‍ ടി ജോണ്‍ ആയിരുന്നു.
