ഉലകനാ‍യകന്‍ കമല്‍ഹാസന്‍റെ ഉത്തമവില്ലന്‍ എന്ന് റിലീസാകും? തല്‍ക്കാലം ഇക്കാര്യത്തില്‍ ആര്‍ക്കും വലിയ പിടിയില്ല. ഏപ്രില്‍ 10നാണ് ചിത്രത്തിന്‍റെ റിലീസ് നിശ്ചയിച്ചിരുന്നത്. എന്നാല്‍ റിലീസ് മാറ്റിയെന്നാണ് പുതിയ റിപ്പോര്‍ട്ട്.
സെന്‍സറിംഗിന് ശേഷം ചിത്രം എന്ന് റിലീസ് ചെയ്യുമെന്നത് ഔദ്യോഗികമായി പ്രഖ്യാപിക്കുമെന്നാണ് അണിയറപ്രവര്‍ത്തകര്‍ ഇപ്പോള്‍ പറയുന്നത്. ഇത് കമല്‍ ആരാധകരെ നിരാശയിലാക്കിയിരിക്കുകയാണ്.
പൂജാ കുമാര്‍, ആന്‍ഡ്രിയ, ജയറാം, കെ ബാലചന്ദര്‍, ഉര്‍വശി തുടങ്ങിയവരും ഉത്തമവില്ലനില്‍ അഭിനയിക്കുന്നുണ്ട്. രമേഷ് അരവിന്ദാണ് സംവിധാനം.
തിരുപ്പതി ബ്രദേഴ്സ് നിര്‍മ്മിക്കുന്ന ഉത്തമവില്ലന്‍ ഒരു സൂപ്പര്‍സ്റ്റാറിന്‍റെ ജീവിതത്തിലെ വെല്ലിഉവിളികളും പ്രതിസന്ധികളുമാണ് പ്രമേയമാക്കിയിരിക്കുന്നത്.
