നടിയും മുൻഭാര്യയുമായ മഞ്ജു വാര്യരുമായി യാതോരു ശത്രുതയുമില്ലെന്ന് നടൻ ദിലീപ്. മഞ്ജുവുമായി ചേര്‍ന്ന് അഭിനയിക്കുന്നതിന് തടസ്സമില്ല. മഞ്ജുവിന് അനുയോജ്യമായ വേഷമുണ്ടെങ്കില്‍ അവര്‍ അഭിനയിക്കുമെന്നും, ഒരിക്കലും അവര്‍ തന്റെ ശത്രുവല്ലെന്നും ദിലീപ് മനോരമയുമായി നടത്തിയ അഭിമുഖത്തിൽ വ്യക്തമാക്കി.
അതോടൊപ്പം, വനിതാ സംഘടനയായ ഡബ്ല്യുസിസിയെ കുറിച്ചും ദിലീപ് പറഞ്ഞു. സിനിമയിലെ സ്ത്രീകളുടെ ശാക്തീകരണത്തിനായി നിലവില്‍ വന്ന വിമന്‍ ഇന്‍ കളക്ടീവിനെ കുറിച്ച് എനിക്ക് മോശം അഭിപ്രായമില്ല. അവര്‍ ചെയ്യുന്നത് നല്ല കാര്യമാണ്. ആരോടും എനിക്ക് വ്യക്തി വിദ്വേഷമില്ല. എന്റെ കൂടെ അഭിനയിച്ച നടിമാരല്ലെ അവരെല്ലാം. ഡബ്ല്യുസിസി സന്തോഷത്തില്‍ തന്നെ മുന്നോട്ട് പോകട്ടെ. എനിക്കെതിരെ അവര്‍ വിമര്‍ശനം ഉന്നയിച്ചു എന്നത് കൊണ്ട് അവരുമായി എനിക്ക് പ്രശ്‌നങ്ങളില്ല. - ദിലീപ് പറഞ്ഞു.
