സ്ത്രീവിരുദ്ധതയുള്ള ഡയലോഗ് താൻ ചെയ്യില്ലെന്ന് പൃഥ്വി പറഞ്ഞിരുന്നു. സ്ത്രീ പക്ഷ നിലപാടുകൾ തുറന്നു പറയുമ്പോഴും പൃഥ്വിയുടെ സ്ത്രീവിരുദ്ധതയാണ് ലൂസിഫറിലെ ഐറ്റം ഡാൻസിൽ പ്രകടമായതെന്നായിരുന്നു പൊതുവെയുള്ള വിലയിരുത്തൽ. ഇപ്പോഴിതാ, പൃഥ്വിയെ ട്രോളി സംവിധായകൻ ഒമർ ലുലു രംഗത്ത് വന്നിരിക്കുകയാണ്.
ഡാന്‍സ് ബാറില്‍ ഐറ്റം ഡാൻസ് അല്ലാതെ ഓട്ടന്‍ തുള്ളലാണോ കാണിക്കേണ്ടതെന്ന് പൃഥ്വി ചോദിച്ചിരുന്നു. “ഗ്ലാമറസ് വസ്ത്രങ്ങള്‍ ധരിച്ചുള്ള ഒരു സ്ത്രീയുടെ ഡാന്‍സ് ലൂസിഫറില്‍ ഉണ്ടായത് സ്ത്രീകളെ തരം താഴ്ത്തുന്ന തരത്തില്‍ അവതരിപ്പിക്കുകയോ അഭിനയിക്കുകയോ ചെയ്യില്ലെന്ന എന്റെ പ്രസ്താവനയ്ക്ക് വിരുദ്ധമാകുന്നത് എങ്ങനെയാണെന്ന് മനസിലാകുന്നില്ല. മുംബൈയിലെ ഡാന്‍സ് ബാറിനെ ചിത്രീകരിക്കുന്നതുമായി എന്റെ പ്രസ്താവനയെ അതുമായി ബന്ധിപ്പിക്കുന്നത് എങ്ങനെയെന്ന് പിടികിട്ടുന്നില്ല. അത്തരമൊരു അന്തരീക്ഷത്തില്‍ ഞാന്‍ അവിടെ ഓട്ടംതുള്ളല്‍ കാണിച്ചാല്‍ അരോചകമാകില്ലേ?”- പൃഥ്വിരാജ് ചോദിക്കുന്നു.
