വിജയ് നായകനായി എത്തുന്ന ലിയോ റിലീസിന് ഒരുങ്ങുകയാണ്.നാ റെഡി എന്ന ഗാനത്തിലെ ചില ഭാഗങ്ങള്‍ ഒഴിവാക്കണമെന്ന് സെന്‍സര്‍ ബോര്‍ഡ് നിര്‍ദ്ദേശിച്ചിരുന്നു. പുകവലി ആഘോഷമാക്കുന്ന വരികളും പുകവലി, മദ്യപാന രംഗങ്ങളും കുറയ്ക്കണം എന്നതായിരുന്നു ആവശ്യപ്പെട്ടത്.
എന്നാല്‍ സെന്‍സര്‍ ബോര്‍ഡിന്റെ തീരുമാനത്തിലുള്ള ഇരട്ടത്താപ്പ് ചോദ്യം ചെയ്യുകയാണ് സോഷ്യല്‍ മീഡിയ. ജയിലര്‍ ഉള്‍പ്പെടെയുള്ള തമിഴ് സിനിമകളില്‍ രജനികാന്ത്, മോഹന്‍ലാല്‍, ശിവരാജ് കുമാര്‍ ഉള്‍പ്പെടെയുള്ളവര്‍ മാസ് രംഗങ്ങളില്‍ പുകവലിക്കുമ്പോള്‍ പ്രശ്‌നമില്ലാത്ത സെന്‍സര്‍ ബോര്‍ഡ് വിജയ് പുകവലിക്കുമ്പോള്‍ പ്രശ്‌നമാണെന്ന് പറയുന്നതാണ് സോഷ്യല്‍ മീഡിയയില്‍ ആരാധകര്‍ ചോദ്യം ചെയ്യുന്നത്.
