നാല് ദിവസം കൊണ്ട് ഇന്ത്യയില്‍ നിന്ന് 5.81 കോടിയാണ് ചിത്രം കളക്ട് ചെയ്തിരിക്കുന്നത്. നാലാം ദിവസമായ ഇന്നലെ (ഞായര്‍) 1.91 കോടിയാണ് സിനിമ തിയറ്ററുകളില്‍ നിന്ന് കളക്ട് ചെയ്തത്. 1.55 കോടിയാണ് ശനിയാഴ്ചയിലെ കളക്ഷന്‍. അടുത്ത വീക്കെന്‍ഡോടെ വാഴയുടെ ഇന്ത്യന്‍ ബോക്‌സ്ഓഫീസ് കളക്ഷന്‍ 10 കോടി കടക്കുമെന്നാണ് പ്രതീക്ഷ.
വിപിന്‍ ദാസിന്റെ തിരക്കഥയില്‍ ആനന്ദ് മേനോന്‍ സംവിധാനം ചെയ്ത വാഴയില്‍ സിജു സണ്ണി, അമിത് മോഹന്‍, ജോമോന്‍ ജ്യോതിര്‍, അനുരാജ്, സാഫ്‌ബോയ്, ഹാഷിര്‍, അന്‍ഷിദ് അനു, ജഗദീഷ്, കോട്ടയം നസീര്‍, അസീസ് നെടുമങ്ങാട് എന്നിവരാണ് കേന്ദ്ര കഥാപാത്രങ്ങളെ അവതരിപ്പിച്ചിരിക്കുന്നത്.
