തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന ‘ഒരു കുട്ടനാടന്‍ ബ്ലോഗ്’ എന്ന ചിത്രത്തിൽ മൂന്ന് നായികമാരാണുള്ളത്. ഷംന കാസിം, റായ് ലക്ഷ്മി, അനു സിതാര. ഇതിൽ ഷംന കാസിം പൊലീസ് ഓഫീസർ ആയിട്ടാണ് എത്തുന്നത്. മമ്മൂട്ടി നായകനാകുന്ന ചിത്രം റിലീസിന് ഒരുങ്ങുകയാണ്.
ചിത്രത്തിലെ അഭിനയത്തെ കുറിച്ചും സെറ്റിലുണ്ടായ അനുഭവത്തെ കുറിച്ചും ഷംന മാതൃഭൂമിക്ക് നല്‍കിയ അഭിമുഖത്തിൽ വ്യക്തമാക്കുന്നുണ്ട്. മമ്മൂട്ടി നല്‍കിയ പിന്തുണയെക്കുറിച്ച് താരം നേരത്തെ വാചാലയായിരുന്നു. യുവതാരങ്ങളെല്ലാം ഒരുപോലെ ആഗ്രഹിക്കുന്ന കാര്യമാണ് മമ്മൂട്ടിക്കൊപ്പം അഭിനയിക്കുകയെന്ന കാര്യം. പൊതുവെ അദ്ദേഹം നല്ല സ്ട്രിക്ടാണെന്ന് എല്ലാവരും പറയാറുണ്ട്. പക്ഷേ, ആവശ്യമുള്ളിടത്ത് മാത്രമേ അദ്ദേഹം അങ്ങനെ കാണിക്കാറുള്ളു.
നല്ലൊരു ടീച്ചറാണ് മമ്മുക്ക. വേണ്ട സമയത്ത് മാത്രമേ അദ്ദേഹം കാര്‍ക്കശ്യക്കാരാനാവാറുള്ളൂ. ഒരുപക്ഷേ ഇതായിരിക്കാം അദ്ദേഹത്തെ സൂപ്പര്‍ സ്റ്റാറാക്കിയത്. സ്വന്തം കഥാപാത്രത്തെക്കുറിച്ച് മാത്രമല്ല കൂടെ അഭിനയിക്കുന്നവരെ കൂടി കംഫര്‍ട്ടാക്കിയതിന് ശേഷമാണ് മെഗാസ്റ്റാര്‍ അഭിനയിക്കാറുള്ളത്. മമ്മൂട്ടി നല്‍കിയ ആത്മവിശ്വാസമാണ് നീനയെ മനോഹരമാക്കിയതെന്നും താരം പറയുന്നു.
