യാഷ് പ്രധാന കഥാപാത്രത്തെ അവതരിപ്പിക്കുന്ന ഗീതു മോഹന്‍ദാസ് ചിത്രം 'ടോക്‌സിക്'ഒരുങ്ങുകയാണ്. സിനിമയിലെ നായികയായി കരീന കപൂര്‍ എത്തുമെന്നാണ് റിപ്പോര്‍ട്ടുകള്‍. നേരത്തെ സായി പല്ലവിയുടെ പേരായിരുന്നു ഉയര്‍ന്ന് കേട്ടിരുന്നത്.ടോക്‌സിക്കിലെ നായികയായി ബോളിവുഡില്‍ നിന്ന് ഒരു താരത്തെ കൊണ്ടുവരാനാണ് നിര്‍മാതാക്കള്‍ ശ്രമിക്കുന്നതെന്നും അത് കരീന കപൂര്‍ ആണെന്നും പറയപ്പെടുന്നു. എന്നാല്‍ കരീനയില്‍ നിന്നോ സിനിമയുടെ അണിയറ പ്രവര്‍ത്തകരില്‍ നിന്നോ ഔദ്യോഗിക പ്രഖ്യാപനങ്ങള്‍ ഒന്നും വന്നിട്ടില്ല.
