മലയാളം, തമിഴ്, തെലുങ്ക് തുടങ്ങിയ ഭാഷകളിലെ സൂപ്പർതാരങ്ങളാണ് ചിത്രത്തിന്റെ ടീസർ ലോഞ്ചിൽ പങ്കെടുക്കാനെത്തുന്നത്. ചിരഞ്ജീവി, കമല്‍ഹസന്‍, തുടങ്ങിയവര്‍ക്കൊപ്പം മലയാളത്തിന്റെ അഭിമാനമായ മോഹന്‍ലാലും മമ്മൂട്ടിയും പങ്കെടുക്കുന്നുവെന്നാണ് റിപ്പോർട്ട്.
ചിത്രത്തിന്റെ ടീസറിനായി കാത്തിരിക്കുകയാണ് ആരാധകര്‍. മമ്മൂട്ടിയും മോഹന്‍ലാലും ഉള്‍പ്പടെയുള്ള താരങ്ങള്‍ ടീസര്‍ ലോഞ്ചില്‍ പങ്കെടുക്കുമെന്നുള്ള റിപ്പോര്‍ട്ടുകളാണ് ഇപ്പോള്‍ ലഭിച്ചിട്ടുള്ളത്. ടീസര്‍ ലോഞ്ചില്‍ മുഖ്യാതിഥികളായി മമ്മൂട്ടിയും മോഹന്‍ലാലും പങ്കെടുക്കുമെന്ന് റിപ്പോർട്ട് ഉണ്ടെങ്കിലും ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല.
ബ്രഹമാണ്ഡ ചിത്രമായ യന്തിരന് ശേഷം ശങ്കറും രജനീകാന്തും ഒരുമിച്ചെത്തുന്ന ചിത്രം കൂടിയാണ് 2.0. ചിത്രത്തിന്റെ റിലീസിനായി കാത്തിരിക്കുകയാണ് ലോകമെങ്ങുമുള്ള ആരാധകര്‍. തമിഴകത്ത് മാത്രമല്ല ഇങ്ങ് കേരളത്തിലും രജനീകാന്ത് ചിത്രങ്ങള്‍ക്ക് മികച്ച സ്വീകാര്യതയാണ് ലഭിക്കാറുള്ളത്. സിനിമയുടെ കേരളത്തിലെ വിതരണാവകാശം റെക്കോര്‍ഡ് തുകയ്ക്കാണ് ആഗസ്റ്റ് സിനിമാസ് സ്വന്തമാക്കിയത്.
