മലയാളത്തിന്റെ പ്രിയ താരം പൃഥ്വിരാജിന് പിറന്നാള്‍ സമ്മാനവുമായി പ്രഭാസിന്റെ 'സലാര്‍' ടീം. സിനിമയിലെ നടന്റെ മറ്റൊരു ലുക്കാണ് നിര്‍മ്മാതാക്കള്‍ പുറത്തുവിട്ടിരിക്കുന്നത്. 'വരദരാജ മന്നാര്‍, ദ് കിങ്' എന്ന് എഴുതി കൊണ്ടാണ് പോസ്റ്റര്‍ റിലീസ് ചെയ്തിരിക്കുന്നത്.
പൃഥ്വിരാജ് വില്ലന്‍ കഥാപാത്രത്തെ ആണോ അവതരിപ്പിക്കുന്നത് എന്ന് അറിയുവാനായി കാത്തിരിക്കുകയാണ് ആരാധകര്‍. ശ്രുതി ഹാസനാണ് സലാറിലെ നായിക. ജഗപതി ബാബു, ഈശ്വരി റാവു, മധു ഗുരുസ്വാമി എന്നിവരാണ് മറ്റുപ്രധാനവേഷങ്ങളില്‍ എത്തുന്നത്.
