തങ്ങള്‍ രണ്ടുപേരെയും ഒന്നിപ്പിച്ചത് ഇന്ത്യന്‍ എക്‌സ്പ്രസിന്റെ സെലിബ്രിറ്റി ഡയലോഗ്‌സാണെന്ന് ലെനയും പ്രശാന്തും പറയുന്നു. മതം,ആത്മീയത, മാനസികാരോഗ്യം എന്നിവയെ പറ്റിയെല്ലാം ലെന മനസ്സ് തുറന്ന ആ അഭിമുഖം സമൂഹമാധ്യമങ്ങളില്‍ വലിയ ട്രോളുകള്‍ക്കിടയാക്കിയിരുന്നു. എന്നാല്‍ അതേ അഭിമുഖം കണ്ടതോടെയാണ് ലെനയോട് ഇഷ്ടം തോന്നുന്നതെന്ന് പ്രശാന്ത് പറയുന്നു. തുടര്‍ന്ന് പ്രശാന്ത് ലെനയുമായി നേരില്‍ വിളിക്കുകയായിരുന്നു. സംസാരിച്ച് വന്നപ്പോള്‍ രണ്ടുപേരും ഒരേ വൈബിലാണെന്ന് മനസിലായെന്നും അതോടെ കുടുംബവുമായി ആലോചിച്ച് വിവാഹം തീരുമാനിക്കുകയായിരുന്നുവെന്നും ലെന പറയുന്നു. യൂട്യൂബ് വഴി പെണ്ണ് കണ്ടത് രസകരമായ അനുഭവമാണെന്നാണ് ഇതിനെ പറ്റി പ്രശാന്ത് പറയുന്നത്.
