'സ്ത്രീകളെ ബഹുമാനിക്കുന്ന ആളാണ് ഞാൻ'. ഇത് ഇന്ന് റിലീസ് ആയ മാസ്റ്റർപീസിലെ മമ്മൂട്ടി അവതരിപ്പിക്കുന്ന എഡ്ഡിയെന്ന കഥാപാത്രം പറയുന്ന ഡയലോഗാണ്. അതും ഒന്നല്ല, മൂന്ന് തവണ. മാസ്റ്റർപീസിലെ ഈ പഞ്ച് ഡയലോഗിനു സമകാലീന സമൂഹത്തിൽ പ്രാധാന്യമുണ്ട്.
കസബ സിനിമയിലെ മമ്മൂട്ടി അഭിനയിച്ച കഥാപാത്രം സ്ത്രീകളെക്കുറിച്ച് മോശമായ പരാമർശം നടത്തിയെന്ന് ചിലരുടെ ചർച്ച അതിരു കടന്നിരിക്കുന്ന സന്ദർഭത്തിൽ ഈ ഡയലോഗിനു ആക്കം കൂടും. മൂന്ന് തവണയാണ് മാസ്റ്റർപീസിലെ എഡ്ഡി പറയുന്നത് 'ഞാൻ സ്ത്രികളെ ബഹുമാനിക്കുന്ന ആളാണ്' എന്ന്. വരലക്ഷമി ശരത് കുമാർ അഭിനയിക്കുന്ന ഭവാനി ദുർഗ്ഗ ഐ.പി.എസ്സിനോട് അണ് ഇത് പറയുന്നത്.
യാദൃശ്ചികമായി വന്ന ഡയലോഗ് ആണെങ്കിലും ഇപ്പോൾ മമ്മൂട്ടിയ്ക്ക് എതിരെ ആരോപണം ഉന്നയിക്കുന്നവർക്കുള്ള മറുപടിയായി ഇതിനെ കാണാം എന്നാണ് ഒരു വിഭാഗം പ്രേക്ഷകരുടെ വിലയിരുത്തൽ. മാസ്റ്റർ പീസ് സിനിമയിൽ ഏറ്റവും കൂടുതൽ കയ്യടി കിട്ടുന്ന ഡയലോഗും ഇതാണ്.