മമ്മൂട്ടി ഒരു സര്‍വകലാശാല പോലെയാണ്. വളരെ കുറച്ച് ദിവസങ്ങള്‍ക്കുള്ളില്‍ തന്നെ ഒരുപാട് കാര്യങ്ങള്‍ പഠിക്കാന്‍ കഴിയും. ലോകത്തെവിടെ പോയാലും അദ്ദേഹം പറയുന്ന കാര്യങ്ങള്‍ നമുക്ക് ഉപകാരപ്പെടും. പറയുന്നത് മറ്റാരുമല്ല, മമ്മൂട്ടിയുടെ പരോളിന്റെ തിരക്കഥാകൃത്ത് അജിത്ത് പൂജപ്പുരയാണ്.
സിനിമ കാണാന്‍ വരുന്ന ഓരോരുത്തര്‍ക്കും സിനിമ കണ്ട് തിരിച്ചിറങ്ങുമ്പോള്‍ സഖാവ് അലക്‌സ് ഒരു വിങ്ങലായി തീരും. അലക്‌സ് മാത്രമല്ല സിനിമയിലെ ഓരോ കഥാപാത്രങ്ങളും മറ്റൊരു നൊമ്പരമായി പ്രേക്ഷകരുടെ ഹൃദയത്തിലെത്തുമെന്ന കാര്യം നൂറ് ശതമാനം ഉറപ്പുള്ള കാര്യമാണ്. ധൈര്യമായി തിയറ്ററുകളിലെത്തി കാണാന്‍ കഴിയുന്ന സമ്പൂര്‍ണ കുടുംബ ചിത്രമാണ് പരോള്‍ എന്നും അജിത് പറയുന്നു.
