മലയാള സിനിമയ്ക്ക് ഏറ്റവും പ്രിയപ്പെട്ട മൂന്ന് താരങ്ങളുടെ കുട്ടിക്കാലമാണ് ഈ ചിത്രങ്ങളിലുള്ളത്. ഇപ്പോഴത്തെ പോലെ തന്നെ മൂന്ന് പേരും നല്ല സ്റ്റൈലന്‍ ലുക്കിലാണ്. ഒരുപക്ഷേ, ഇതില്‍ മൂന്ന് പേരെയും മലയാളികള്‍ക്ക് പെട്ടന്ന് തിരിച്ചറിയാന്‍ സാധിക്കും. കാരണം, അത്രത്തോളം പ്രിയപ്പെട്ട താരങ്ങളാണ് മൂവരും.
നിവിന്‍ പോളി, നസ്രിയ ഫഹദ്, ദുല്‍ഖര്‍ സല്‍മാന്‍ എന്നിവരുടെ കുട്ടിക്കാല ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ ട്രെന്‍ഡിങ് ആയിരിക്കുന്നത്. ഇതില്‍ ദുല്‍ഖര്‍ സല്‍മാനെ പെട്ടന്ന് തിരിച്ചറിയാമെന്നാണ് ആരാധകര്‍ പറയുന്നത്. നസ്രിയയുടെ കുട്ടിക്കാല ചിത്രം എന്ത് ക്യൂട്ടാണെന്നാണ് എല്ലാവരുടെയും കമന്റ്. നിവിന്‍ പോളിയുടെ ചിരിയും ആരാധകരുടെ ഹൃദയം കവരുന്നു. അഞ്ജലി സംവിധാനം ചെയ്ത ബാംഗ്ലൂര്‍ ഡേയ്‌സിലാണ് നിവിനും ദുല്‍ഖറും നസ്രിയയും ഒന്നിച്ച് അഭിനയിച്ചത്. സിനിമ സൂപ്പര്‍ഹിറ്റായിരുന്നു.
