നടന്‍ ധ്രുവന്‍ മാമാങ്കത്തില്‍ നിന്ന് പുറത്താവുകയും ഉണ്ണി മുകുന്ദന്‍ അഭിനയിക്കാനെത്തുകയും ചെയ്തത് വലിയ വിവാദമായിരുന്നു. ഉണ്ണി വരുന്നതിനെക്കുറിച്ച് തനിക്ക് ഒന്നും അറിയില്ലെന്നാണ് സജീവ് പിള്ള പ്രതികരിച്ചത്. കാവ്യ ഫിലിംസിന്‍റെ ബാനറില്‍ 45 കോടി രൂപ ചെലവില്‍ വേണു കുന്നമ്പിള്ളിയാണ് മാമാങ്കം നിര്‍മ്മിക്കുന്നത്.
മികച്ച ക്രാഫ്റ്റ്‌സ്മാന്‍ എന്നതും ക്രൈസിസ് മാനേജുമെന്‍റ് വിദഗ്ധന്‍ എന്നതും വലിയ ക്രൂവിനെ നയിക്കാനും വലിയ ക്രൌഡ് ഉള്‍ക്കൊള്ളുന്ന സിനിമകള്‍ ചിത്രീകരിക്കാനും പ്രഗത്ഭന്‍ എന്നതുമാണ് എം പത്മകുമാറിനെ ടീമില്‍ ഉള്‍പ്പെടുത്താന്‍ നിര്‍മ്മാതാവിനെ പ്രേരിപ്പിച്ചത്. പത്മകുമാറിനെ ഉള്‍പ്പെടുത്തിയതില്‍ തനിക്ക് ഒരു പ്രശ്നവുമില്ലെന്നും വലിയ യുദ്ധരംഗങ്ങളും മറ്റും ചിത്രീകരിക്കേണ്ട വമ്പന്‍ പ്രൊജക്ട് ആയതിനാല്‍ ക്രിയേറ്റീവ് ടീം വലുതാകുന്നത് ഗുണം ചെയ്യുമെന്നുമാണ് സജീവ് പിള്ളയുടെ പ്രതികരണം.
