സിനിമ കണ്ടവര്‍ ദയവുചെയ്ത് സസ്‌പെന്‍സ് പുറത്തുവിടരുതെന്ന അപേക്ഷ സമൂഹ മാധ്യമങ്ങളില്‍ വ്യാപകമാകുന്നതിനിടയിലാണ് പുതിയ ട്വീറ്റുമായി കെആര്‍കെ രംഗത്തെത്തിയിട്ടുള്ളത്. ബാഹുബലി സിനിമ ആദ്യ ഷോ കഴിയുന്നതിനു മുന്‍പ് തന്നെ കട്ടപ്പ എന്തിന് ബാഹുബലിയെ കൊന്നെന്ന രഹസ്യം താന്‍ പുറത്തിവിടുമെന്നാണ് കെആര്‍കെ ഇപ്പോള്‍ ട്വീറ്റ് ചെയ്തിട്ടുള്ളത്. പിന്നീട് സിനിമ കാണണോ വേണ്ടയോ എന്ന് നിങ്ങള്‍ക്കു തീരുമാനിക്കാമെന്നും ട്വീറ്റ് ചെയ്തിട്ടുണ്ട്.
മോഹന്‍ലാലിനെ ചോട്ടാ ഭീം എന്ന് വിളിച്ച് പരിഹസിച്ചപ്പോഴാണ് കെ ആർ കെ എന്ന നടനെ മലയാളികൾ അറിയുന്നത് തന്നെ. കൂടാതെ ആമിർ ഖാനെതിരേയും പരിഹാസവുമായി കെഅർകെ രംഗത്തെത്തിയിരുന്നു. മോഹൻലാലിനെ വിമർശിച്ചതിന് സോഷ്യല്‍ മീഡിയ ഒന്നടങ്കം കെആര്‍ കെയോട് പ്രതിഷേധിച്ചിരുന്നു. ഇതോടെ ക്ഷമാപണവുമായി അദ്ദേഹം വീണ്ടും രംഗത്തെത്തിയിരുന്നു.
