Kishkindha Kaandam: വിജയരാഘവന്‍, ആസിഫ് അലി, അപര്‍ണ ബാലമുരളി എന്നിവരെ കേന്ദ്ര കഥാപാത്രങ്ങളാക്കി ദിന്‍ജിത്ത് അയ്യത്താന്‍ സംവിധാനം ചെയ്ത 'കിഷ്‌കിന്ധാ കാണ്ഡം' വന്‍ വിജയത്തിലേക്ക്. ആദ്യദിനം ലഭിച്ച മികച്ച പ്രതികരണങ്ങള്‍ക്കു പിന്നാലെ മൗത്ത് പബ്ലിസിറ്റിയിലൂടെ പ്രേക്ഷകരെ തിയറ്ററുകളിലെത്തിക്കുകയാണ് കിഷ്‌കിന്ധാ കാണ്ഡം. ബുക്ക് മൈ ഷോയില്‍ ആദ്യദിനം കാല്‍ലക്ഷത്തില്‍ താഴെ മാത്രമായിരുന്നു ടിക്കറ്റ് ബുക്കിങ്. മൂന്നാം ദിനത്തിലേക്ക് എത്തിയപ്പോള്‍ അത് മുക്കാല്‍ലക്ഷത്തില്‍ അധികമായി. കൂടുതല്‍ സ്‌ക്രീനുകളിലേക്കും ചിത്രം എത്തിയിട്ടുണ്ട്.
