വിഷുവിന് മൂന്ന് സിനിമകളാണ് റിലീസ് ചെയ്തത്. മൂന്നും നവാഗത സംവിധായകരുടെതായിരുന്നു. തിയേറ്ററുകളില്‍ നിന്നും മികച്ച പ്രതികരണമാണ് എല്ലാ ചിത്രങ്ങള്‍ക്കും ലഭിക്കുന്നത്. ദിലീപിന്റെ കമ്മാരസംഭവം, ജയറാമിന്റെ പഞ്ചവര്‍ണതത്ത, മഞ്ജു വാര്യരുടെ മോഹന്‍ലാല്‍ എന്നിങ്ങനെ ഈ ദിവസങ്ങളില്‍ മൂന്ന് സിനിമകളാണ് റിലീസ് ചെയ്തത്.
രമേഷ് പിഷാരടി, രതീഷ് അമ്പാട്ട്, സജിദ് യാഹിയ എന്നിങ്ങനെ മൂന്ന് സിനിമകളും സംവിധാനം ചെയ്തിരിക്കുന്നത് പുതുമുഖ സംവിധായകന്മാരാണെന്നുള്ളതാണ് ഏറ്റവും വലിയ പ്രത്യേകത. ശനിയാഴ്ച റിലീസ് ചെയ്ത എല്ലാ ചിത്രങ്ങളേയും ആദ്യദിനം പ്രേക്ഷകര്‍ ആഹ്ലാദത്തോടെ സ്വീകരിച്ചു. എന്നാല്‍, അവധിദിവസമായിട്ടു കൂടി ഞായറാഴ്ച പ്രതീക്ഷിച്ചയത്ര കളക്ഷന്‍ സ്വന്തമാക്കാന്‍ ‘മോഹന്‍ലാലിനു’ കഴിഞ്ഞില്ല.
