ഓണംകളി മത്സരം നടത്തുന്നതിനായി സാമ്പത്തിക സഹായം അനുവദിക്കുന്നതിന് കേരള ഫോക്ക് ലോർ അക്കാദമി മുഖേന നടപടികൾ സ്വീകരിക്കാൻ സർക്കാർ ലക്ഷ്യമിടുന്നുവെന്ന് മന്ത്രി സഭയിൽ വ്യക്തമാക്കി. ചാലക്കുടി കേന്ദ്രമായി അനുവദിച്ച കലാഭവന്‍ മണി സ്മാരകം ഫോക്ലോര്‍ അക്കാദമിക്കു കീഴില്‍ ഒരു ഉപകേന്ദ്രമാക്കി മാറ്റുന്നതിനും നടപടികള്‍ സ്വീകരിക്കുമെന്നും മന്ത്രി അറിയിച്ചു.
പുലികളി, വള്ളംകളി തുടങ്ങിയ കലാരൂപങ്ങള്‍ക്ക് നല്‍കുന്നത് പോലെ ഓണംകളിക്കും ഗ്രാന്റുകള്‍ അനുവദിക്കും. പണ്ട് കാലത്ത് നിലനിന്നിരുന്ന കലാപരിപാടികളിൽ ഒന്നായിരുന്നു ഓണംകളിയും. എന്നാൽ, പിന്നീട് ഇത് അന്യം നിന്ന് പോകുകയായിരുന്നു. ഇതിന്റെ കാര്യങ്ങള്‍ കേരള ഫോക് ലോര്‍ അക്കാദമി മുഖേന പരിശോധിക്കുന്നതാണെന്നും സാസ്‌കാരിക മന്ത്രി പറഞ്ഞു. ചാലക്കുടി എംഎല്‍എ ബിഡി ദേവസ്സിയുടെ സബ്മിഷന് മറുപടി നല്‍കുകയായിരുന്നു മന്ത്രി.
