മലയാളി പ്രേക്ഷകര്‍ ഇന്നും ഓര്‍ത്തിരിക്കുന്ന ഒരു മോഹന്‍ലാല്‍ ചിത്രമാണ് വിയറ്റ്‌നാം കോളനി. തുടര്‍ച്ചയായി ഇരുനൂറോളം ദിവസം തിയേറ്ററുകളില്‍ പ്രദര്‍ശിപ്പിച്ച മലയാളസിനിമയെന്ന റെക്കോര്‍ഡും വിയറ്റ്‌നാം കോളനിയുടെ പേരിലുണ്ട്. മോഹന്‍ലാലിനെക്കൂടാതെ ഇന്നസെന്റ്, കനക, കെപിഎസി ലളിത, ഫിലോമിന എന്നിങ്ങനെയുള്ള വലിയൊരു താരനിരതന്നെ പ്രധാന വേഷങ്ങള്‍ അവതരിപ്പിച്ച ഈ ചിത്രം 1992ലായിരുന്നു റിലീസ് ചെയ്തത്.
കെപിഎസി ലളിതയും കനകയുമുള്‍പ്പടെ നിരവധി പേര്‍ താമസിച്ചിരുന്ന കോളനിയെ വിറപ്പിച്ചിരുന്ന ഗുണ്ടായി വേഷമിട്ട റാവുത്തര്‍ എന്ന കഥാപാത്രത്തെ ആ ചിത്രം കണ്ട ആരുതന്നെ മറക്കാനിടയില്ല. അദ്ദേഹത്തിന്റെ പുതിയ ഫോട്ടോയാണ് ഇപ്പോള്‍ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. വിജയ രംഗരാജുവാണ് ചിത്രത്തില്‍ റാവുത്തര്‍ എന്ന കഥാപാത്രത്തെ അവതരിപ്പിച്ചത്.
ടെലിവിഷന്‍ അവതാരകയായി പ്രേക്ഷകരുടെ മനസ്സില്‍ ഇടം നേടിയ ജുവല്‍ മേരിയാണ് വര്‍ഷങ്ങള്‍ക്ക് ശേഷം റാവുത്തറിനെ കണ്ടെത്തിയത്. റാവുത്തര്‍ എന്ന കഥാപാത്രമായി പ്രേക്ഷക ഹൃദയം കീഴടക്കിയ വിജയ ഗോവിന്ദരാജുവിനൊടൊപ്പമുള്ള ചിത്രവും ജുവല്‍ തന്റെ ഫേസ്ബുക്കിലൂടെ പങ്കുവെച്ചിട്ടുണ്ട്. ജുവലിന്റെ ഫേസ്ബുക്ക് പോസ്റ്റ് ഇതിനകം തന്നെ വൈറലാവുകയും ചെയ്തു.
