ജോഷിയുടെ സംവിധാനത്തില്‍ മമ്മൂട്ടി, മോഹന്‍ലാല്‍, ജയറാം, നയന്‍‌താര തുടങ്ങി മിക്ക മലയാള താരങ്ങളും അഭിനയിച്ച ട്വന്റി-20 മികച്ച വിജയമാണ് കരസ്ഥമാക്കിയത്. താര സംഘടനയായ അമ്മയുടെ ധനശേഖരണാര്‍ത്ഥമാണ് ട്വന്റി-20 ഒരുങ്ങിയത്. അമ്മയ്ക്ക് വേണ്ടി ദിലീപാണ് ഈ സിനിമ നിര്‍മിച്ച് വിതരണം ചെയ്തത്.
ദീലീപ് ഒരാൾ കാരണമാണ് ഈ ചിത്രം സാധ്യമായതെന്ന് നേരത്തേ തന്നെ പലരും സമ്മതിച്ചിട്ടുണ്ട്. ഇപ്പോഴിതാ, നടന്മാര്‍ക്കിടയിലുളള ഈഗോയും കഥാപാത്രങ്ങള്‍ നിശ്ചയിക്കുന്നതിലുളള പ്രശ്‌നവുമാണ് മറ്റ് ഭാഷകളില്‍ ട്വന്റി 20യ്ക്ക് റീമേക്ക് വരുന്നതിന് പ്രശ്‌നമായി മാറിയതെന്ന് ഇന്നസെന്റ് പറയുന്നു.
