വിജയുടെ മാസ്റ്റർ വിജയക്കൊടി പാറിച്ച് പ്രദർശനം തുടരുകയാണ്. 'ദളപതി 65' എന്ന് താൽക്കാലികമായി പേരിട്ടിരിക്കുന്ന ചിത്രത്തിനായി നടൻ നെൽസൺ ദിലീപ് കുമാറുമായി അടുത്തതായി കൈകോർക്കും. അതേസമയം തന്നെ 'ദളപതി 66'നെ കുറിച്ചുള്ള ചർച്ചകളും വിജയ് ആരംഭിച്ചു എന്നാണ് പുതിയ വിവരം. അജിത്തിന്റെ 'വലിമൈ' സംവിധാനം ചെയ്യുന്ന എച്ച് വിനോദ് ഈ ചിത്രം സംവിധാനം ചെയ്യും എന്നാണ് റിപ്പോർട്ടുകൾ.
നേരത്തെ, വിജയിനു വേണ്ടി ഒരു പൊളിറ്റിക്കൽ ചിത്രത്തിൻറെ കഥ എച്ച് വിനോദ് തയ്യാറാക്കിയെങ്കിലും വിവാദങ്ങൾ ഒഴിവാക്കാനായി നടൻ ഈ വാഗ്ദാനം നിരസിച്ചു. സർക്കാറിനു തൊട്ടുപിന്നാലെയാണ് സംവിധായകൻ അദ്ദേഹത്തെ കണ്ടത്. അറുപത്തിയാറാം ചിത്രം വിജയ് ലളിത് കുമാറിന്റെ 7 സ്‌ക്രീൻ സ്റ്റുഡിയോ നിർമ്മിക്കുമെന്നാണ് വിവരം.
