പുതിയ ചിത്രം പ്രഖ്യാപിച്ച് വിജയ് സേതുപതി. പിറന്നാൾ ദിനത്തോടനുബന്ധിച്ച് പ്രഖ്യാപിച്ച സിനിമയൊരു സൈലന്റ് ചിത്രമായിരിക്കും.മലയാളം ഉൾപ്പെടെ ആറ് ഭാഷകളിലായി ഒരുക്കുന്ന ചിത്രത്തിന് 'ഗാന്ധി ടോക്‌സ്' എന്നാണ് പേര് നൽകിയിരിക്കുന്നത്. പുതിയ 2000 രൂപയുടെയും 500രൂപയുടെയും നോട്ടുകൾക്ക് ഇടയിൽ തലവച്ച് കിടക്കുന്ന വിജയ് സേതുപതിയാണ് ടൈറ്റിൽ പോസ്റ്റൽ കാണാനാകുന്നത്. ഇന്ത്യൻ റുപ്പിയുടെ കാലത്ത് ഗാന്ധിയൻ വീക്ഷണങ്ങളുടെ പ്രസക്തി സിനിമയുടെ ഉള്ളടക്കമാണെന്നും വിജയ് സേതുപതി പറഞ്ഞു. അതിശയിപ്പിക്കുന്ന തിരക്കഥയാണ് ഈ ചിത്രത്തിന്റെത് എന്നും അദ്ദേഹം അഭിപ്രായപ്പെട്ടു.
