വിരലില്‍ എണ്ണാവുന്ന ചിത്രങ്ങള്‍ മാത്രമേ 2024-ല്‍ ആറാഴ്ചയില്‍ കൂടുതല്‍ തിയേറ്ററുകളില്‍ പിടിച്ചുനില്‍ക്കാന്‍ ആയിട്ടുള്ളൂ. ആറാം വാരത്തിലേക്ക് കടന്നിരിക്കുകയാണ് ഗുരുവായൂര്‍ അമ്പലനടയില്‍.പൃഥ്വിരാജ്-ബേസില്‍ ജോസഫ് എന്നിവരെ പ്രധാന കഥാപാത്രങ്ങളാക്കി വിപിന്‍ദാസ് സംവിധാനം ചെയ്ത ഗുരുവായൂര്‍ അമ്പലനടയില്‍ കാണാന്‍ ഇപ്പോഴും ആളുകള്‍ എത്തുന്നുണ്ട്. തിയേറ്ററുകളുടെ എണ്ണത്തില്‍ കുറവ് വന്നിട്ടുണ്ടെങ്കിലും
വന്‍ കുതിപ്പാണ് ആഗോളതലത്തില്‍ ചിത്രം കാഴ്ചവെക്കുന്നത്.
ഇപ്പോഴിതാ വിജയകരമായി ആറാമത്തെ ആഴ്ചയിലേക്ക് കടന്ന സന്തോഷം നിര്‍മാതാക്കള്‍ പങ്കുവെച്ചു.
വിപിന്‍ ദാസ് സംവിധാനം ചെയ്ത ചിത്രത്തില്‍ പൃഥ്വിരാജ് സുകുമാരനും ബേസില്‍ ജോസഫുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. അനശ്വര രാജന്‍, നിഖില വിമല്‍, ജഗദീഷ്, ബൈജു, യോഗി ബാബു, ഇര്‍ഷാദ്, പി വി കുഞ്ഞികൃഷ്ണന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്.
ഗുരുവായൂര്‍ അമ്പലനടയില്‍ പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയ മേനോനും, ഇ4 എന്റര്‍ടൈന്‍മെന്റിന്റെ ബാനറില്‍ മുകേഷ് ആര്‍ മേത്ത, സി വി സാരഥി എന്നിവര്‍ ചേര്‍ന്നാണ് നിര്‍മിക്കുന്നത്.
