പഠനത്തിന് ആണ് മുൻഗണന, അതു കഴിഞ്ഞെ അഭിനയമുള്ളു എന്ന് പറഞ്ഞ നടിയായിരുന്നു ലക്ഷ്മി മേനോൻ. എന്നാൽ സിനിമയ്ക്ക് വേണ്ടി താരത്തിന് പഠനം നിർത്തേണ്ടി വന്നുവെന്നാണ് ഇപ്പോൾ കേൾക്കുന്നത്. വേതാളം, മിരുതൻ എന്നീ ചിത്രങ്ങളുടെ വിജയത്തിന് ശേഷം ഓഫറുകൾ വന്നിരുന്നെങ്കിലും നടി അകലം പാലിച്ചിരുന്നു. എന്നിട്ടും കഴിഞ്ഞില്ല.
പ്ലസ് ടു വിന് നല്ല മാര്‍ക്കോടെ പാസായ ലക്ഷ്മി മേനോന്‍ കൊച്ചിയില്‍ ഒരു കോളേജില്‍ ഉപരിപഠനത്തിന് ചേര്‍ന്നിരുന്നു. എന്നാൽ ചിത്രത്തിന്റെ ഷൂട്ടിങ്ങ് തിരക്കുകാരണം, കോളേജിൽ പോകാനോ, പ്രൊജക്ടുകൾ നൽകാനോ സാധിച്ചിരുന്നില്ല. അധ്യാപകൻ ലക്ഷ്മിയെ വിളിച്ച് മുന്നറിയിപ്പ് നൽകിയെന്നും തുടർന്ന് ഗതികെട്ട് പഠനം നിർത്തിയെന്നുമാണ് നടിയോട് അടുത്ത വൃത്തങ്ങൾ പറയുന്നത്.
