അല്ലു അര്‍ജ്ജുന്‍ നായകനായ തെലുഗു ചിത്രം നാ പേരു സൂര്യ എന്ന സിനിമ കഴിഞ്ഞ ദിവസമാണ് റിലീസ് ആയത്. അല്ലുവിന്റെ ആരാധകരായ ഒരു കൂട്ടം യുവാക്കള്‍ വിരല്‍ മുറിച്ച് കട്ടൗട്ടില്‍ ചോര ഒഴുക്കിയാണ് സിനിമയുടെ റിലീസ് ആഘോഷിച്ചത്. രക്താഭിഷേകത്തിനു ശേഷം ‘ജയ് ബണ്ണി.. ജയ് ജയ് ബണ്ണി’ എന്ന മുദ്രാവാക്യം വിളിച്ച് യുവാക്കള്‍ തിയേറ്ററിന് മുന്നില്‍ ആര്‍പ്പുവിളിച്ചു.
മമ്മൂട്ടി, മോഹൻലാൽ, രജനികാന്ത്, വിജയ്, സൂര്യ തുടങ്ങിയ താരങ്ങളുടെ ചിത്രങ്ങൾ റിലീസ് ആകുമ്പോൾ ഫാൻസ് അത് ആഘോഷിക്കാൻ പാലഭിഷേകവും ചെണ്ടമേളവും എല്ലാം സംഘടിപ്പിക്കാറുണ്ട്. എന്നാൽ, ജീവൻ പണയപ്പെടുത്തിയുള്ള ആഘോഷങ്ങൾ വേണ്ടെന്ന് പറയാൻ താരങ്ങൾ ബാധ്യസ്ഥരാണെന്നാണ് സോഷ്യൽ മീഡിയയുടെ അഭിപ്രായം.
(വീഡിയോക്ക് കടപ്പാട്: ബിഹൈൻ‌വുഡ്സ്)
