അതേസമയം മമ്മൂട്ടിക്ക് പോലുമില്ലാത്ത നേട്ടമാണ് ദുല്‍ഖര്‍ ഇപ്പോള്‍ സ്വന്തമാക്കിയിരിക്കുന്നത്. മോഹന്‍ലാല്‍, പൃഥ്വിരാജ്, ഫഹദ് ഫാസില്‍, ടൊവിനോ തോമസ്, നസ്ലന്‍ എന്നിവരാണ് ദുല്‍ഖറിനു മുന്‍പ് സോളോ നൂറ് കോടി സ്വന്തമാക്കിയ മലയാളി താരങ്ങള്‍. പുലിമുരുകന്‍, ലൂസിഫര്‍ എന്നീ സിനിമകളിലൂടെ രണ്ട് സോളോ നൂറ് കോടിയാണ് മോഹന്‍ലാലിനുള്ളത്. പൃഥ്വിരാജിന്റെ ആടുജീവിതവും ഫഹദിന്റെ ആവേശവും നൂറ് കോടി ക്ലബില്‍ ഇടം പിടിച്ചിട്ടുണ്ട്. പ്രേമലുവിലൂടെയാണ് നസ്ലന്‍ സോളോ നൂറ് കോടി അടിച്ചത്. അജയന്റെ രണ്ടാം മോഷണമാണ് ടൊവിനോയെ ഈ ക്ലബില്‍ എത്തിച്ചത്.
