സാംസ്കാരിക മന്ത്രി എ.കെ ബാലന്‍ ഇതുവരെ തന്നെ വിളിച്ചില്ലെന്നാണ് ഡോ.ബിജു പറയുന്നത്. ‘ഇത് സംവിധായകനോ നടനോ ലഭിച്ച അംഗീകാരമല്ല. മറിച്ച് മലയാള സിനിമക്ക് കിട്ടിയതാണ്. അതുകൊണ്ട് തന്നെ അഭിനന്ദനങ്ങള്‍ ലഭിക്കുന്നത് നമുക്കെല്ലാവര്‍ക്കുമാണ്. ചലച്ചിത്ര അക്കാദമി ചെയര്‍മാന്‍ കമല്‍, ബീന പോള്‍ തുടങ്ങിയവര്‍ വിളിച്ച് അഭിനന്ദിച്ചു. ആരോഗ്യമന്ത്രി കെ.കെ.ഷൈലജ ടീച്ചര്‍ അഭിനന്ദിക്കുകയും ഉപഹാരം നല്‍കുകയും ചെയ്തു. എന്നാല്‍ സാംസ്കാരിക മന്ത്രി ഇതുവരെ വിളിച്ചില്ല. അതില്‍ പരിഭവവുമില്ല. പരാതിയുമില്ല. അഭിനന്ദിക്കാന്‍ തോന്നുന്നത് ഓരോരുത്തരുടെ ഇഷ്ടമാണ്.’ മനോരമയുമായുള്ള അഭിമുഖത്തില്‍ ബിജു പറഞ്ഞു.
