'ട്രൈസ്‌കെല്‍' എന്ന സിംബലാണ് ദിവ്യപ്രഭ കൈയില്‍ ടാറ്റു കുത്തിയിരിക്കുന്നത്. ആത്മീയതയുടെ പഴയൊരു പ്രതീകമാണ് ഇത്. 'ട്രൈ' 'സ്‌കെലോസ്' എന്നീ രണ്ട് ഗ്രീക്ക് പദങ്ങളില്‍ നിന്നാണ് ഈ പേര് വന്നത്. ഇംഗ്ലീഷിലേക്ക് വിവര്‍ത്തനം ചെയ്യുമ്പോള്‍ ' മൂന്ന് കാലുകള്‍' എന്നാണ് ഇതിന്റെ അര്‍ത്ഥം. ഐറിഷ് സംസ്‌കാരത്തിന്റെ പുരാതന ഉത്ഭവത്തില്‍, ട്രിപ്പിള്‍ സ്‌പൈറല്‍ ഒരു പ്രധാന ആത്മീയ അടയാളമായി പറയപ്പെടുന്നു.
ജോഷി സംവിധാനം ചെയ്ത ലോക്പാല്‍ എന്ന ചിത്രത്തിലൂടെ 2013 ലാണ് വെള്ളിത്തിരയില്‍ അരങ്ങേറിയത്. കെ.കെ.രാജീവ് സംവിധാനം ചെയ്ത അമ്മ മാനസം എന്ന പരമ്പരയില്‍ അഭിനയിച്ചു. ഇതിഹാസ, വേട്ട, ടേക്ക് ഓഫ്, കമ്മാരസംഭവം, തമാശ, പ്രതി പൂവന്‍കോഴി, നിഴല്‍, മാലിക് എന്നിവയാണ് ദിവ്യയുടെ പ്രധാന സിനിമകള്‍.
