വിജയങ്ങള്‍ മാത്രം കണ്ടുവന്ന സംവിധായകനാണ് വിനീത് ശ്രീനിവാസന്‍. സുഹൃത്തുക്കള്‍ക്കൊപ്പം സിനിമ ചെയ്യാന്‍ ഇഷ്ടപ്പെടുന്നയാള്‍. സ്‌കൂള്‍ അവധിക്കാലത്ത് ഒഴിവുകാലം ആഘോഷിക്കുന്ന പോലെയാണ് വിനീത് ശ്രീനിവാസിന്റെ ഷൂട്ടിംഗ് സെറ്റെന്ന് പലരും പറഞ്ഞിട്ടുണ്ട്. 40 ദിവസം കൊണ്ടാണ് വര്‍ഷങ്ങള്‍ക്കുശേഷം എന്ന സിനിമയുടെ മുഴുവന്‍ ചിത്രീകരണവും വിനീത് ശ്രീനിവാസന്‍ പൂര്‍ത്തിയാക്കിയത്. പല കാലങ്ങളിലായി നടക്കുന്ന കഥ ഇത്രയും വേഗത്തില്‍ ചിത്രീകരിക്കുക എന്നത് എളുപ്പമായ കാര്യമല്ല.
