സംവിധായിക ഐശ്വര്യ രജനികാന്തിന്റെ തിരിച്ചുവരവ് അടയാളപ്പെടുത്തുന്ന ചിത്രമാണ് ലാല്‍ സലാം. സ്‌പോര്‍ട്‌സ് ഡ്രാമ പ്രദര്‍ശനത്തിന് എത്തും മുമ്പേ ചര്‍ച്ചയായി മാറിയത് രജനികാന്തിന്റെ സാന്നിധ്യം കൊണ്ടാണ്.വിഷ്ണു വിശാലും വിക്രാന്തും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തില്‍ മൊയ്തീന്‍ ഭായ് എന്ന കഥാപാത്രത്തെയാണ് രജനികാന്ത് അവതരിപ്പിക്കുന്നത്.
ഇപ്പോഴിതാ ചിത്രത്തിന്റെ ട്രെയിലര്‍ പുറത്തിറങ്ങിയിരിക്കുകയാണ്. കഴിഞ്ഞ ദിവസം ഇറങ്ങിയ ട്രെയിലര്‍ ശ്രദ്ധേയമാകുമ്പോള്‍ ചിത്രത്തിന് അപ്രതീക്ഷിതമായ ഒരു ആശംസ ലഭിച്ചിരിക്കുകയാണ്. ഇത് വന്നത് മറ്റൊരിടത്തു നിന്നും അല്ല, തമിഴിലെ ശ്രദ്ധേയ താരം ധനുഷില്‍ നിന്നാണ്.
