ധനുഷ് തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ഇഡ്‌ലി കടൈ’. ഒക്ടോബര്‍ ഒന്നിന് ചിത്രം തിയേറ്ററുകളില്‍ എത്തിക്കുമെന്നാണ് ധനുഷ് പ്രഖ്യാപിച്ചിരിക്കുന്നത്. ഏപ്രില്‍ 10ന് ആയിരുന്നു നേരത്തെ ചിത്രത്തിന്റെ റിലീസ് തിയതി പ്രഖ്യാപിച്ചിരുന്നത്. എന്നാല്‍ അജിത്തിന്റെ ‘ഗുഡ് ബാഡ് അഗ്ലി’ക്കൊപ്പം ക്ലാഷ് വെയ്ക്കാൻ ധനുഷിന് താൽപ്പര്യമില്ല.
ഇഡ്‌ലി കടൈയ്ക്ക് ശേഷം ധനുഷ് സംവിധാനം ചെയ്യുന്ന ചിത്രത്തില്‍ അജിത്ത് നായകനാകും എന്ന റിപ്പോര്‍ട്ടുകളും പുറത്തെത്തിയിരുന്നു. എന്നാല്‍ അജിത്ത് ചിത്രവുമായി ക്ലാഷ് ഒഴിവാക്കിയെങ്കിലും മറ്റൊരു വമ്പന്‍ ചിത്രത്തിനൊപ്പമാണ്് ഇഡ്‌ലി കടൈ എത്തുന്നത്. ഋഷഭ് ഷെട്ടി ചിത്രം ‘കാന്താര: ചാപ്റ്റര്‍ 1’ ഒക്ടോബറിലാണ് റിലീസ് ചെയ്യുന്നത്.
