'തുടക്കത്തിൽ അവള്‍ക്ക് ഫ്രസ്‌ട്രേഷൻ, പുറത്തു പോകാനും ഷോപ്പിങ് നടത്താനും സാധിച്ചില്ല, പിന്നെ ശീലമായി': എ.ആർ റഹ്‌മാൻ പറഞ്ഞത്
തമിഴ് സിനിമയിലെ താര ഡിവോഴ്സ് ലിസ്റ്റിലേക്ക് ഒരാൾ കൂടി. എആര്‍ റഹ്‌മാനും ഭാര്യ സൈറ ബാനുവും!. തങ്ങൾ പിരിയുകയാണെന്ന് ഇരുവരും ഔദ്യോഗികമായി അറിയിച്ചു. തന്റെ അഭിഭാഷക മുഖാന്തരം സൈറ ബാനുവാണ് വിവാഹ മോചനം ആദ്യം പ്രഖ്യാപിച്ചത്. വൈകാരികമായ സംഘര്‍ഷങ്ങളെ തുടര്‍ന്ന് ഒത്തുപോകാന്‍ കഴിയാത്ത സാഹചര്യത്തില്‍ ഏറെ വേദനയോടെ എടുത്ത തീരുമാനമാണെന്നാണ് സൈറ ബാനുവിനെ ഉദ്ദരിച്ച് അഭിഭാഷക പ്രസ്താവനയില്‍ പറയുന്നത്.
1994 ല്‍ ചെന്നൈയിലെ ഒരു സൂഫി ആരാധനാലയത്തില്‍ വച്ചാണ് റഹ്മാന് വേണ്ടി അമ്മയും പെങ്ങളും സൈറ ബാനുവിനെ കണ്ടെത്തിയത്. സൈറയുടെ സഹോദരി മെഹറുന്നിസയെ കണ്ടിഷ്ടപ്പെട്ടാണ് റഹ്മാൻറെ ഉമ്മ പെണ്ണ് ചോദിച്ച് ചെന്നത്. പക്ഷേ മെഹറുവിന് മൂത്ത സഹോദരിയുണ്ടെന്നും അവളുടെ വിവാഹത്തിന് ശേഷം മാത്രമേ മെഹറുവിനെ വിവാഹം ചെയ്യൂ എന്നും പെൺവീട്ടുകാർ പറഞ്ഞു. അങ്ങനെയാണ് സൈറയെ കാണുന്നത്.
സൈറയുടെ സൗന്ദര്യവും സൗമ്യമായ പെരുമാറ്റവും റഹ്‌മാനെയും ആകര്‍ഷിച്ചു. പക്ഷേ വിവാഹത്തിലേക്ക് കടക്കുമ്പോള്‍ മതപരമായ ചില പ്രശ്‌നങ്ങള്‍ ഉണ്ടായിരുന്നു. ഹിന്ദു കുടുംബമായിരുന്നു റഹ്‌മാന്റേത്. അച്ഛന്റെ മരണ ശേഷം സൂഫിസത്തില്‍ അഭയം തേടിയ കുടുംബം ഇസ്ലാം മതം സ്വീകരിക്കുകയായിരുന്നു. പക്ഷേ പിന്നീട് എതിര്‍പ്പുകളെല്ലാം പരിഹരിച്ചാണ് വിവാഹിതരായത്.
