മലയാള സിനിമ കൂടുതൽ സങ്കീർണമായിരിക്കുകയാണ്. ഇന്ത്യൻ സിനിമയുടെ മാറ്റങ്ങൾക്കനുസരിച്ച് അതിനൊത്തുയരാൻ മലയാള സിനിമയും ശ്രമമാരംഭിച്ചു കഴിഞ്ഞു. പുതിയ പരീക്ഷണങ്ങ‌ൾ നടത്തി മുന്നേറുകയാണ് മലയാള സിനിമ. സമൂഹത്തില്‍ പല വിധ അവഗണനകള്‍ക്ക് പാത്രമാവുന്ന ട്രാന്‍സ്‌ജെന്‍ഡറുകളെ സിനിമയിലേക്ക് ക്ഷണിക്കാന്‍ പലരും തയ്യാറാവാറില്ല. എന്നാല്‍ ഇതില്‍ നിന്നൊക്കെ വിഭിന്നമാണ് സംവിധായകന്‍ റാമിന്റെ തീരുമാനങ്ങള്‍.
മമ്മൂട്ടിയുടെ പുതിയ സിനിമയിൽ നായികയായാണ് അഞ്ജലി അമീർ എത്തുന്നത്. എന്നെ ട്രാന്‍സ്‌ജെന്‍ഡര്‍ വിഭാഗത്തില്‍ ഉള്‍പ്പെടുത്തുന്നത് അല്‍പ്പം ബുദ്ധിമുട്ടുണ്ടാക്കുന്ന കാര്യമാണെന്ന് അഞ്ജലി മനോരമ ന്യൂസിന് നൽകിയ അഭിമുഖത്തിൽ വ്യക്തമാക്കി. ഫേസ്ബുക്കിലൂടെ മമ്മുക്ക എന്നെ പരിചയപ്പെടുത്തുമ്പോള്‍ ട്രാന്‍സ്ജന്‍ഡര്‍ എന്ന വാക്ക് പോലും ഉപയോഗിച്ചിരുന്നില്ല. ഇതാ‌ണെന്റെ നായിക എന്നാണ് പറഞ്ഞത്. അങ്ങനെ തന്നെ മതിയെന്ന് അഞ്ജലി പറയുന്നു.
