അദ്ദേഹമാണ് മലയാളത്തിലെ എന്റെ എക്കാലത്തേയും പ്രിയ നടൻ: അല്ലു അർജുൻ

കേരളത്തിൽ നിറയെ ആരാധകരുള്ള തെന്നിന്ത്യൻ നടനാണ് അല്ലു അർജുൻ. കേരളത്തിലെ യുത്ത് അല്ലുവിനെ ആരാധിക്കുമ്പോൾ അല്ലുവിന്റെ പ്രിയ താരങ്ങളും മലയാളത്തിലുണ്ട്. മലയാളികൾ നെഞ്ചോട് ചേർത്ത് ആരാധിക്കുന്ന ഫഹദ്, ദുൽഖർ, നിവിൻ പോളി ഇവരുടെ ഒക്കെ ആരാധകനാണ് അല്ലു.

ബാംഗ്ലൂര്‍ ഡെയ്‌സിലെ ഫഹദ് ഫാസിലിന്റെ അഭിനയം തന്നെ ഞെട്ടിച്ചുവെന്ന് പറയുന്നു അല്ലു. പ്രേമത്തിലെ നിവിന്‍ പോളിയുടെ പ്രകടനം ഗംഭീരം. ചാര്‍ലി, ഓകെ കണ്‍മണി എന്നീ ചിത്രങ്ങളിലൂടെ ദുല്‍ക്കറിന്റെയും കടുത്ത ആരാധകനുമാണ് താനെന്ന് അല്ലു പറഞ്ഞു‍. 

ഇവരെയൊക്കെ ഇഷ്ടമാണെന്ന് പറഞ്ഞെങ്കിലും അല്ലുവിന് പ്രിയം പക്ഷേ മറ്റൊരാളോടാണ്. മലയാളികളുടെ സ്വകാര്യ അഹങ്കാരമായ മോഹൻലാലിനോട്. 'അദ്ദേഹമാണ് എന്റെ എക്കാലത്തേയും പ്രിയ നടൻ'. അദ്ദേഹത്തോടൊപ്പം ഒരു ചിത്രം ചെയ്യണമെന്നുമുണ്ട് എനിക്ക്. അങ്ങനെ മോഹന്‍ലാലിനൊപ്പം ഒരു വേഷം ചെയ്യാന്‍ വൈകാതെ അവസരം ലഭിക്കുമെന്ന് ഞാന്‍ പ്രതീക്ഷിക്കുന്നുവെന്നും അല്ലു വ്യക്തമാക്കി.